ودك تكوني انسانه شعبيه ومحبوبة ؟؟ فكره خطيرة .. هناك فرق كبير بين الإنسان العادي.. والإنسان المعروف... الأول: يمشي على الطريق من غير ماأحد يعرفه..
الثاني: تمشي والنـــاس يؤيؤ أنواع الزحمة والإعجاب واللي يبي توقيعه واللي يبي صورته<< تكفين توم كروز على غفلة..
تفتـــكرين أنها صعبه ؟؟ لايــاعيوني طوري شخصيتك بنفسك ؟ كيف؟
أنــــا أقولك كيف.. بــ30 طريقه بس واختاري منها ما يناسب طبعك..[*]
أظهــري نفسك
حتى لو كنت خجوووله لازم تطلعين من الشرنقة اللي أنتي حابسه نفسك فيها لازم تطلعين بين الجموع , شاركي في نشاطات اجتماعيه ورياضيه وفكرية وثقافيه.
كثري من روحات الأماكن اللي فيها بنات اللي بنفس سنك. لا تقولين انك تحبين الوحدة وبنفس الوقت تبين تصيرين شعبيه ومحبوبة.. لا تناقضي نفسك! [*]
اســـدي النصائح
حتى تكسبين ثقة النــاس لازم يتعودون يسمعون رأيك ويأخذون بنصايحك من الوقت لثاني , علشان كذا لازم تعبرين عن رأيك في كل المواضيع اللي تطرح قدامك وفي جميع المناسبات ومن غير تردد. ومدي يد المساعدة وإسداء النصائح للمحتــاجين لها وشوي شوي تصيرين معروفه.[*]
نظمي الحفلات
هذي عـــــاد لازم تكثرين منها << ياحبك للحفلات .. من المعروف أن الدعوات والحفلات تجمع الصديقات الجديدات وتقرب بين الصديقات القديمات. والمعروف بعد أن الحفلات تساهم في مد الجسور وتعرف الصديقات الجديدات على بعض. علشان كذا من المفيد تنظيم الحفلات في البيت (( أو برى)) ودعوة الصديقات الجديدات والقديمات طبعـــا ً لازم بموافقة ومساعدة الأهل ولا بعدين يخرب كل شي.[*]
استعملي أسلوب الجاذبية
يساهم موقفك بين الناس في تحديد شخصيتك. ما تقدرين تتواصلين مع كل اللي حولك, علشان كذا الأشخاص يلاحظون وبعض الأحيان ما يلاحظن تصرفاتك وتعابيرك, وهو على حسب الأثر اللي تتركينه فيهم. حاولي انك تجذبين اللي حولك لك بس من دون ما تحكرينهم بلعبة الجاذبية اللي ممكن إنها تخليك تطيحين في مشاكل إذا ما عرفتي تستعملينها.[*]
تعلمي الموسيقى << أقوول لا يكثر بس
صعب انك تتعلمين الموسيقى لان الموهبة تلعب دور.. بس إذا كنت تملكين الموهبة غذيها بالدراسة لان الموسيقى والغنــاء عنصرين فنيين يساهمون في جمع الصديقات حولك.. ويمكن تصيرين(( طقاقه )) بالمستقبل لوووولز شوفيهم وشلون صاروا مشاهير ومعروفين[*]
ابتكري وغيري في اللوك (Look)
كثير منا يتابع الموضة دايما ً اللي يخليهم يصيرون متشابهين في الشكل كربوون هذي نفس هذي ويصير صعب انك تميزين وحده عن الثانية . أنت صيري المميزة بأسلوبـــك الخاص واتبعي موضة خاصة فيك تلفت الأنظار حولك <<< ملفت الأنظار ترى ما ناديتك J ..[*]
خلك مرحه
مين منا ما يحب المزاااح والأشخاص المرحين وخفاف الدم؟؟ هذولا يجذبون اسخــاص كثيــر حولهم, أنت خلك محور اهتمام صديقاتك باللي تتمتعين فيه من روح مرحه وونيسه تزرعين الضحكة وين ما تروحين مو تصيرين ثقيلة دم..[*]
اعتمدي على عنصر المفـــاجأة <<< واااااو ياحبي للمفاجآت
حتى تصيرين مشهورة ومعروفه لازم تطلعين من القاعدة وترسمين خط خاص فيك, لان كل اللي يطلعون عن المألوف يشدون الأنظار , لازم تتمتعين بشخصية مميزه علشان تفرضين هذا الاختلاف ((وانتبهي)) من التصنع لأنه مو بمصلحتك. [*]
خلك جديه
الجدية والرصانة عنصرين أساسيين في توطيد أواصر الصداقة. علشان كذا تأكدي إن جديتك في التعامل مع صديقاتك تجذبهم حولك .لأنهم يعرفون لمين يلجئون وقت الصعوبة , وتأكدي إن راح تعاملين بالمثل.
((عامل الناس كما يعاملوك))[*]
تواصلي مع محيطك
المقصود انك تتطلعين دايم على كل شي جديد ثقافيــا ً ورياضيا ً وفنيا ً واجتماعيا ً. هذا الموضوع يخليك مرجع وموسوعة متنقلة بين صديقاتك وتزودينهم بآخر الأخبار<< فلانة وش سوت وعلتانه وين راحت[*]
تميلحي على صديقاتك
من المعروف انه تقدرين تصيرين مشهورة وذات شعبيه كبيره بأسلوب سيء << يعني الثرثرة والهذرة اللي مالها داعي وتحضير المقالب مثلا ً. بس أنتي مو هذا اللي تبينه أكيد.. خلك لطيفه مع صديقاتك << لطيفه ولا أنغام لووولز
وقريبه منهم وراح تزداد شعبيتك أكيد.[*]
خلك النجمة
في الحقيقة الموضوع له علاقة بشخصيتك لأن المسألة صعبه ودقيقه وحساسة. مو من السهل ان تكوني نجمه بين صديقاتك؟ لازم تعرفين شلون تمشين.. شلون توزعين ابتسامتك وكلماتك عليهم .
راح تواجهين انتقادات مثل(( من تفتكر نفسها مع هالخشه؟؟)) بس لمــا تكونين واثقة من نفسك<< زي اختنا بالله ماراح تتأثرين بالكلام. (( ياجبل ما يهزك ريـــح))[*]
خلك ملتزمة
لاتستسلمين لأي ضعف يواجهك خصوصا ُ إذا كنت صاحبة حق. التزمي بالمبادئ والأفكار اللي تؤمنين فيها ولا تضعفين فراح تكتسبين احتــــرام صديقاتك.[*]
سويلك موقع على الانترنت
أفضل طريقه حتى تصيرين أكثر شعبيه بس تحتاجين لكمبيوتر ونت وشركه موزعه <<ما أظن ما احد عنده هذي الأشياء ولا كان ما شفتي هالموضوع
ولما تفتحين صفحتك على الانترنت تخلين المجال مفتوح للي يبي يزور موقعك << زي مرجوجنا ما شاء الله عليــه صار مشهوور لما فتح المنتدى الله يطول بعمره .والسبيساات ((سبيس)) اللي طايحين فيها هالايام..[*]
خلك مشرقه << زي الشمس
الاشراقه مهمة في حياتك الشخصية وفي حياة اللي يحيطون فيك . إن للوجه البشوش والسمح والابتسامة الدائمه J <<زي هذا.. تأثير في الأشخاص , علشان كذا حاولي إن تكوني ايجابيه قد ما تقدرين.[*]
شـاركي في المسرحيات<< لايروح فكرك بعيد اقصد اللي بالمدرسة
هي طريقه فعاله ومو بالسهولة ينكتب اسمك في لوحه إعلانيه وتملأ صورك اللافتات<< مو قلتلك برتني سبيرز ماصدقتيني..
الموهبة ضرورية والدراسة أهم خصوصا ً إن المسرح يســـاعد على تطوير الشخصية وتطوير الميول والرغبات حسب الإرادة.[*]
قدمي المســـاعدة
يتحلى الإنسان اللي يساعد الناس بشهره كبيره لان الكل يتكلم عنه فيكسب احترام الجميع . أما انك تقدمين يد المساعدة حتى تصيرين معروفه.؟ خطوه مو كويسه لان المساعدة تعني تكريس الوقت والعطاء في سبيل انك تخدمين الناس.<< زي الدختور لوولز[*]
ابتكـــري المفـــاجآت
زي ما قلنا عنصر المفاجاة عامل مهم وفعال في اكتســاب الشعبية لان صاحب الأفكار المقلعة والخطيرة يطلع دايما ً عن المألوف مما يخليه مميز عن الآخرين. فاجئي صديقاتك واهلك وأقاربك بحفلات خاصة مميزة أو قدمي لهم الهدايا الرمزية من غير مناسبة راح تزرعين السعادة والفرحة من حولك والكل يتكلم عنك. أما إذا كنت مفلسة ما تقدرين تسوين كل هذا اجل ما عندك ماعند جدتي فانثبري وشيلي هذا الشي من بالك.[*]
تحلي بالشغف
الشغف أحلى وأسمى شعور يمكن إن يعيشه الإنسان, وان نقوم بأعمالنا بشغف فهذا قمة في العطاء. لما تكونين شغوفة بالمطالعة تزدادين ثقافة واطلاعا ً. وبكذا تصيرين ملمة بكل التفاصيل نشرة أخبار فتلتفت صديقاتك حولك.[*]
أصغي إلى صديقاتك
في فرق بين الاستماع للي يتكلم والإصغـــاء له. لما (اسمع) أكون حاضره في حاسة السمع.
أما لما (أصغي) أشارك الآخرين في همومه وأعيش معه كل كلمه يقولها. هذا الوضع يخليك موضع ثقة بين صديقاتك وتصيرن مشهورة.[*]
خلك متميزة
حتى تصيرين شعبية لازم تكونين متميزة ومختلفه عن الآخرين. علشان كذا حاولي انك تبنين شخصيه خاصة فيك ولا تقلدين احد في شي يعني وحده تقول أبي أصير زي نانسي والثانية تقول أبي أصير زي مزنه بنت جيراننا ووحده تقول أبي أصير زي كوماري شغالتنا.
خلك عفوية وطبيعية, خلك أنت بس, يقول المثل العنقليزي"."Just be yourself [*]
خلك القـــائد
قليل هم الأشخاص اللي يتحلون بالروح القيادية لان هذي الصفة تتطلب شخصية قوويه وثقـــه بالنفس. وفي بعض الأحيان نميل لشخص يرشدنا للي لازم نسويه. علشان كذا الأشخاص اللي يبرزون هم اللي يأخذون المبادرة الأولى والقرار اللي يطبقه الباقي بخضوع. صيري من اللي يتخذون القرارات والمبادرات الصـــائبه طبعـــا ً<<حطي تحتها خطين.[*]
تــــأخري شوي
مو اقصد التأخير في الوصول للمدرسة ولا الجامعة أو في الرجعة للبيت أو حتى في العلامات لاااااع بكره تصفقوني أنا وتقولون أنتي اللي قلتي تأخروا.؟
اللي اقصده انك تتأخرين لما تروحين للحفلة خلك آخر مدعوه توصل فيلاحظ الكل غيابك بعدين يلاحظون حضورك وفي الحالتين راح يحشون فيك يا أما مدحه ولا ذمه << احم احم اسألي مجرب ولا تسألين طبيب ياكثر ما أتأخر ويهزئوني البنات بس والله مع التهزيء تحسين انك شخصية مهمة..[*]
تعلمي الرسم
لا تستغربين الفكرة حتى لو ما كنت تملكين الموهبة تقدرين تتعلمين مافي احد أنولد عالم . الرسم يساعد انك تصيرين مشهورة ومعروفه بين صديقاتك زي بيكاسو <<مو بيكاتشو حق بوكيمون .. خصوصــا ً إذا رسمتيهم ولا رسمتي المدرســات<< يؤيؤ تذكرت مره رسمت مدرسة العربي وكفشتني وأنا ارسمها وأخذت الورقة وشافتها كان ودها تضحك بس خافت تخرب البرستيج حقها خخخخ واذكر بعد رسمت مدرسة الأحياء بس هذي ما صادتني ويووو رسمت كثير وحتى صديقاتي رسمتهم ولحد أللحين محتفضه بالأوراق اللي رسمتهم فيها تبون اوريكم؟؟<<ماصدقت تلقى سالفة[*]
خلك كريمه
زي حاتم الطائي لما تتعلمين انك تشاركين الآخرين في مشاريعك فمحيطك راح يلتفت لك وينتبه لوجودك. لكن حاولي انك تلتزمين الحدود حتى ما يستغلوونك.[*]
عصبـــــي
هذي طبعاً ما أوصيكم فيها . لما تعصبين مو يعني تكونين مزاجيه تزورك أم العبيد وينقلب أم المزاج.
لما تحسين بالظلم والقسوة بينيــه. وإذا كانت نوبات العصبية والمزاج مبرره وصادقه راح يوقف الكل جنبك ويســـــاعدك.
[*]
شاركي مذكراتك مع صديقاتك
مذكراتنا محطة مهمة في حياتنا لأنها تحفظ أحلى اللحظات اللي عشناها وخاصة بالمدرسة تكوون وناسه من تهزيء طرد ومديره واداره يوووه يازين المدرسة والله, شاركي صديقاتك في مذكراتك قد ما تقدرين أما الأمور الخاصة مــاأحد يتدخل فيها. بس على الأقل تصيرين معروووفه ومحط أنظار الجميع.[*]
تثقفي دائــــــــما ً
الثقافة ضرورية خصوصا ً طريقة التخاطب لأنها تساعد على تقريب الناس منك فكل ما كان كلامك منوع وشامل زاد إعجـــاب صديقاتك فيك. وحتى تكوني دايما ً مثقفة لازم تقرين باستمرار وتتعودين على تحليل الأمور بطريقة منطقية.[*]
انخرطي في المجتمع
حاولي انك تتقربين من صديقاتك ومن الناس اللي تعيشين معهم, لما تكونين في النادي ولا المدرسة ولا الجامعة افتحي شبكة من العلاقات الودية مع اللي حولك فتصيرين معروفه أكثر.[*]
قدمي الهدايــــــــــا
مين منا ما يحب الهدايا؟؟ لأحد يقولي أنا.. ادري كلنا نحبها وبصراحة أنا لما وحده تجيب لي هديه تكون لها معزه خاصة بقلبي مو شرط الهدية تكون ثمينة لا والله أهم شي إنها قدرتني (( والهديه بمعناها مو بقيمتهاا)). قدمي الهدايا فتصيرين معروفه خصوصا ً إذا قدمتي لكل صديقه الهدية اللي تحبها وتتمناها.
ادري إن هالشي مكلف لكن تأكدي انك بتتعاملين بالمثل فتربحين الهدايا والشعبية.
وأنـــــا أنصحك بمحل ((بو ريالين)) يقولون عنده هدايا حلووه تنفع ههههههههههههههاي
وأخيرا ً ما قدمته من نصايح وجهتها للبنات بس يصير إن الشباب يطبقونها .. علشان كذا لا تدع عزيزي القارئ هذا الموضوع يمر أمــــام ناظريك مرور الكرام<<< يمديك على اللغة العربية.
أتمنى إن الموضوع عجب الجميع وأبي اشووف ردود لا تبخلون علينا برد و لا تخلون تعبي يرووح هبــــــــــاء منثورا ................................وبس
الثلاثاء يونيو 28, 2011 7:49 pm من طرف زائر
